Nafarroako Larrialdi Agentziak eta Udalak omenaldia eskaini zien martxoaren 20an guttienez 20 urtez suhiltzaile boluntarioen lana bete eta erretiroa hartu duten zortzi laguni: Argimiro eta Jose Gartzia, Josu Goia, Manuel Iriarte, Julian Lekuona, Jose Antonio Sainz eta Antonio eta Miguel Zubietak hartu zituzten oroigarriak. Guttien egin duenak 15 urte eman ditu suhiltzaile, eta batzuk hiru hamarkada baino gehiago ere aritu dira. Ekitaldi ofizialaz gain, suhiltzaileek zenbait praktika ere egin zituzten eta ikastetxe baten ondoan erortzeko arriskua zuen zuhaitz handi bat ere erretiratu zuten. Gero, bazkalzera bildu ziren. Suhiltzaile boluntarioen parkea 1906an sortu zen eta Nafarroan dauden zazpietatik aitzinakoena da. Gaur egun, erretiroa hartu duten suhiltzaileez gain, 15 boluntario ari dira. Argazkian horietako batzuk.