Landazelaia inguruak –suhiltzaile parkearen ondoa–, Altzate karrikarekiko duen hurbiltasuna dela eta, aparkalekuak egiteko leku egokia izan daitekeela uste du Udalak. Horregatik, jendearen interesa neurtzeko eta aparkaleku kopurua zehazten joateko deia luzatu du Udalak, Josu Iratzoki alkateak sinatutako bandoaren bidez, interesatuek izena eman dezaten. Udalak garbi utzi du izena emateak ez duela behartzen gero plaza erostera.
Aparkalekuak 2,5 x 5 metroko neurrikoak eta lurrazpikoak izanen lirateke eta 15.000 euro gostako lirateke. Izena Herriko Etxean edo 012ra deituta eman behar da, apirilaren 31 baino lehen.