Urte berria hasi orduko herriko apezak aitzineko urteko parrokiko egoera ekonomikoaren inguruko xehetasunak idatziz ematen ditu.
2009. urtea 174 euroko superabitarekin akautu du parrokiak, diru sarrerak 6.992 eurokoak izan dira. Multzo horretan Elizan, gosearen aurkako kanpainan, Domun egunean eta Elizbarrutiaren alde bildutako dirua nahiz apezari mezak ateratzeko emanikoak sartu dira. Urte hasieran zegoena 67 euro izan zen.
Bertzalde, gastuetan, parrokiko argia eta berogailuko gasoila, zenbait kanpainetarako bidalitako dirua eta Elizarekin lotutako zenbait ospakizun eta gaietan nola bertzelakoetan gastatutako sosak daude. Denetara, iaz 6.818 euroko irteerak edo gastuak izan ziren. Honekin batera, Behar-Bidasoa Gobernuz kanpoko erakundearentzat herrian nahiz Igantzin 1.188 euro bildu dira. Gisa berean,herritarrek emaniko laguntza eskertzen du parrokiak idatzian.