Bi urte pasatu ditu Ekaitza Elkarteko oraingo Zuzendaritza Batzordeak, baina orain, junta berritzeko pausoak eman dira araudian oinarrituz. Joan den hilabete hasieran elkarteko bazkideei gutuna bidali zitzaien 99 lagunen izenak agertuz. Hamar lagun aukeratu behar zituzten bakoitzak eta joan den larunbat ilunabarrean botoak jendaurrean kontatu ziren. Lerro hauek idazterakoan hamar lagun bozkatuenak nor izan diren ezin izan dugu jakin. Beraz, hurrengo alean elkarteko batzorde berriaren berri emanen dugu.
Gogoratu, bi urte hauetan zuzendaritza taldea Dabit Iturria, Ixidoro Goia, Iñaki Alustiza, Jabiertxo Iparragirre, Iker Iguzkiagirre, Jose Luis Iparragirre, Mirari Maiz, Estitxu Iparragirre, Aitziber Almandoz eta Gurutze Pikabeak osatu dutela.