Mendira euren zakurrekin joaten direnei animalia kontrolpean edukitzeko eskatu die Udaleko Mendien Batzordeak, batez ere, inguruan aziendak baldin badaude. Zakurra jolasean saingaka edo aziendari segika hasten bada, animaliak, ardiak batez ere, izitu eta lasterka noraezean hasten direlako. Mendien Batzordeak dioenez, «gure herrian ardiak hil dituzten zakurrak ere badira». Argitu nahi izan du ez dagoela beti lotua kontu beharrik, kasuan kasu, «nahikoa da denbora guztian bistan edukitzea eta azienda dagoen tokian ondoan edukitzea».