Oraindik besta eta ospakizun ondorioak gainetik kendu gabeak eta atzenduak ez ditugun honetan, herria prest dago aurtengo mozorro aldirako. Otsailaren lehenbiziko asteburuan, otsailaren 4, 5 eta 6an, inauteriak izanen dira eta ohitura den bezala, Mozorro Xuriak ekitaldiak lotzen ari dira bilerak eginez.
Auzoetako eta herri kaxkoko baserriz-baserri eta etxez-etxe puxka biltzea eginen da, puxka-puxka oihukatuz. Bizkar gibelean ohiko kolorezko puxkak ere paratuko dituzte eta horiek lehendabiziko egunean eskolara egiten duten bisitan opari jasotzen dituzte. Emakumeen afaria, bertso afaria, gaztetxoen mozorro desfilea, herri kirol saioa, Mozorro Beltzen bisita... Bertze urteetako ekimenak seguruenik aitzinera eramanen dira. Nolanahi ere, hurrengorako egitaraua zehatzago jakinaraziko dugu.