Herri guzietan bezalaxe Lesakan egun handia izaten da abenduaren 24a, baina berezitasun gisara eta ohiturari eutsiz Olentzero eta Jaiotza lehiaketa eginen dira eguerdian plazan. Adinaren arabera sari ezberdinak izanen dira, 2.200 euro banatuko dira denera, baina 16 urtetik goitiko irabazleek 300 euroko saria jasoko dute. Olentzero onenarentzat Esparza saria ere emanen da eta Lesakako Komertzianteen Elkarteak, Jaiotza nahiz Olentzero lehiaketan hobekien kantatzen duten taldeei ehuna euroko saria emanen die.
Ilunabarrean, Olentzero irabazlea kalejiran ibiliko da Lesakako Musika Bandak antolatuta.