Eguberrietako kontzertua eskainiko dute Lesakako musika taldeek abenduaren 20an, igande goizean. Meza baino lehen, txistulari, trikitilari eta akordeolari taldeek kalejira eginen dute.
Mezako orduan, berriz, Abesbatzak kontzertua eskainiko du elizan, eta segidan bmusika andarekin kalejira eginen da plazara. Bertan hameketakoa eskainiko da.
Musika eskolaren kontzertua asteartean
Heldu den asteartean, abenduaren 22an ere, izanen dira musikarekin zerikusia duten ekitaldiak Lesakan. Udal Musika Eskolaren Eguberrietako kontzertua izanen da arratsaldez udaletxeko pleno aretoan eta Irain eskolan, abenduaren 22an, Eguberrietako jaialdia eskainiko dute eskolako ikasle eta irakasleek 11:30etik aitzinera.