Bortzirietako Oinarrizko Jendarte Zerbitzuen Mankomunitateak kudeatu eta 21 gizarte eragilek sinatu duten Bateragarritasun hitzarmenaren barne, hainbat ekitaldi eginen dira Bortzirietan. Horrekin harira, azaroaren 2tik abenduaren 24ra, jubiloteka eskainiko da astelehen eta asteazkenetan Lagun Haundiak elkartearen egoitzan, 10:00etatik 13:00etara. Jubiloteka edo adintuen txoko honetan, mendekotasun maila bajua dutenei, kalitatezko atentzioa eta egokitutako jarduerak eskainiko zaizkie, beraien ahalmen eta gaitasunak jorratuz.