Lana, Familia eta Bizitza pertsonala uztartzeko Bortzirietako II. Itun Mankomunatuak antolatua solasaldia eskainiko da asteartean, azaroaren 17an, arratsaldeko 16:30etik 18:30era Berako Rikardo Baroja ikastetxean. Neus Alberto Meri, Aukera Berdintasun teknikariak “Aita eta seme-alaben arteko erlazio eredu berriak. Aitatasun eskubideak” izeneko solasaidia emanen dut. Solasaldi honen helburua aitatasun eredu berriak eta hortan oinarrituta lortutako eskubideak ezagutzera ematea da, lan munduan errate baterako. Lana, familia eta bizitza pertsonala ahalbidetuko dituzten komunikazio tresnak ere landuko dira. Aipatzekoa da haurtzaindegi zerbitzua ere doan eskainiko dela, baina horretarako beharrezkoa da 948 635036 telefonoan izen ematea.
Heldu den astean ere
Heldu den asteartean eta asteazkenean, azaroaren 24 eta 25ean, Neus Alberto Meri berak, “Uztartzea/kontziliazioa eta erantzukidetasunarekin sortzen diren eztabaidak bideratzeko mintegia. Giza trebetasunak” izeneko mintegia gidatuko du, 16:30etik 19:30era Ricardo Baroja ikastetxean.
Generoen artean sortzen diren gatazkak edo eztabaidei aurre egiteko, tresnak eta giza trebetasunak jorratu nahi dira eta lana, familia eta bizitza pertsonala ahalbidetuko dituzten komunikazio tresnak landu. Hemen ere haurtzaindegi zerbitzua izanen da.