Hego Euskal Herriko ehundik gora udalen hizkuntza-politika neurtu du Kontseiluak eta neurketa lana akautu ondotik, Arantzako Udalaren lana txalotu egin du. Emaitza kuantitatiboei dagokienez, 0tik 10erako tartean, Udalak 9,09ko nota atera du eta sailkapenean hamargarren postuan dago.
Elementu positiboak eta hobetu beharrekoak
Udalaren hizkuntza-politikaren elementu positiboak eta hobetu beharrekoak ere zehaztu ditu Kontseiluak. Eta ezugarri positiboen artean, Udalak hizkuntza-politikaren arloan bere gain hartu dituen erabaki orokorrak, eta horiek mamitzeko paratutako baliabide eta neurriak goraipatu ditu.
Hobetu beharrekoetan, berriz, aholkularitza juridiko eta teknikoa eskaintzen dioten zerbitzu enpresek Udalarekin izaten dituzten harremanak euskaraz izan ditzaten beteraztea, kontratazio irizpideak kasu guzietan paratu eta beteraztea, eta azkenik, Udalak lagundutako hedabideen kasuan, euskararen erabilera nolakoa izan behar duen arautzea nabarmendu ditu.