Erraldoi berriak behar direla ikusi du Kultur Batzordeak, eta herritar guztiei irekitako ideien lehiaketa egitea erabaki du. Nahi adina lan aurkeztu ahal izanen dira, nahiz eta lau baino ez diren aukeratuko.
Lanak aurkezterakoan erraldoi berrietarako pertsonaien marrazkiak erakutsi beharko dira. Gaia librea izanen da, baina pertsonaiek herriarekin duten lotura «bereziki baloratuko» da. Horrekin batera, pertsonaien originaltasuna eta diseinua ere kontuan hartuko dira, eta erraldoi bihurtzeko duten erraztasuna ere bai.