Goiko Karrika eta Karrika Nagusiko zolaren moldatze lanak irailaren 28an, astelehenean, hasi direla jakinarazi du Arantzako udalak bando bidez. Oharrean jakinarazi dutenez, ez da kale mozketarik aurreikusten, baina denen erosotasunerako kotxeak ahal den heinean herri sarrerako aparkalekuan uztea komenigarria litzatzeke. Lanek zortzi asteko iraupena izanen dutela kontuan hartuz, “aldez aurretik sortu litezkeen eragozpenak ulertzea” eskatzen du Ainara Maia alkateak sinatutako oharrak.