Udako etenaldiaren ondotik, Udalak bultzatutako eta Askagintzak kudeatutako prebentziorako herri kontseilua martxan da. Prebentzio kontseilua drogen mendekotasunei aitzin egiteko BERA herri planaren baitan dago, eta herri partaidetzaren bitartez, osasunerako heziketan eta droga mendekotasunen prebentzioan aritzea da helburua.
Denboraldiko lehen bilkura irail erdialdera egin zuten, eta hurrengoa, urriaren 13an izanen da, 19:00etan. Urteko bertze hitzorduak ere iragarri dituzte, nahiz eta aldaketaren bat ere egon daitekeen: azaroaren 17an, abenduaren 15ean, urtarrilaren 19an, otsailaren 23an, martxoaren 23an, apirilaren 20an, maiatzaren 18an eta ekainaren 15ean.
Informazio puntua
Droga eta sexualitatearen inguruan, gazteen artean sor daitezkeen zalantza eta kezkei erantzuteko informazio puntua ere abian paratuko dute laster. Kokapen berria izanen du aurten, orain arte udaletxean kokaturik egon delako, eta aurten, behin behinekoz bada ere, Musika Eskolako gela batean egonen da.
Informzio puntua bi ortziraletik behin zabalduko da, 17:00etatik 20:00etara. Egun hauetan egonen da irekita: urriaren 9an eta 23an, azaroaren 6an eta 20an, abenduaren 11n, urtarrilaren 8an eta 22an, otsailaren 5ean eta 19an, martxoaren 5ean eta 26an, apirilaren 16an eta 30ean eta maiatzaren 14an eta 28an.
Urriaren 9an eta 23an 17:00etatik 20:00etara irekiko da
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun