Lesakako Beti Gaztek ez du areto-futbol talderik aterako aurten, ez baitu jokalari aski Gipuzkoako 2. mailan aritzeko. Jokalariak lortzeko egindako deialdiak ez du arrakastarik izan eta, gisa honetara, ohorezko mailako Gure Txokoa izanen da eskualdeko ordezkari bakarra kirol honetan. Duela bi urte, Goizuetako Umore Ona eta Beti Gazte ere ari ziren areto-futbolean beratarrekin batera.