Beti Gazte elkarteak bederatzigarren aldiz plantatu du argazki lehiaketa. Joan den urteko geldialdiaren ondotik, berriz ere gogoberrituak ekin diote lehiaketa honen antolaketari. Lanak azaroaren 15a baino lehen aurkeztu behar dira Beti Gazte elkartearen egoitzan (Beheko Plaza, 9 - 31770 Lesaka), gisa honetako lehiaketetan ohikoa den sistema erabiliz. Argazkiak, txuri-beltzean nahiz koloretan aurkezten ahal dira, paperean egindakoak eta nahi diren neurrikoak baina beti 30 x 40 zentimetroko kartulina baten gainean paratuak. Egile bakoitzak hiru argazki aurkezten ahal ditu gehienez. Argazki erakusketa berriz, azaroaren 19tik 26ra irekiko da egoitzan.