Oraindik infantiletan aritzen bada ere, ikaragarrizko palmaresa du dagoeneko 14 urteko beratar honek. 63 lasterketa irabazi ditu Josebak azken 5 urteetan, txirrindularen gainean konpetitzen hasi zenez geroztik, alegia. Aurten infantilekin lehiatzen zen bigarren eta azken urtea zuen (13-14 urte), eta guzira 13 karrera bereganatu ditu. Gainera, 6 aldiz bigarren gelditu da eta 2 aldiz hirugarren.
Aipagarria da Iruñean egiten den Izarra Sarian bera gailendu dela azken hiru urteetan, eta iaz Nafarroako Kirol Jokoak irabazi zituela.
Berekin batera, Joseba Errandonea eta Iñigo Iratzoki beratarrek osatzen dute Gure Txokoaren infantilen taldea, bainan heldu den urtean kadeteetara pasatu beharko dute. Zorte on hiruei eta segi bide horretan!