Egun hauetan etxera ailegatu izanen zaizkizue denei aurtengo Kultur Egunen egitaraua. Lehendik aipatu badugu ere, asteazkenean, Domisandu egunean, V. Baserritarren Egunarekin hasi da. Ortzilean, 2:30etan haurrentzako tallera izanen da Paper birtziklaketa gaiarekin. Gero, 6etan Kollins Clown taldearekin antzerkia eskolan. Larunbatean ere 8etan, antzerkia izanen dugu Lesakako Mairu taldearen eskutik, «Trizikloa» lana. Helduentzat aproposa den antzeslan hau, eskolako gimnasioan izanen da eta gaueko 11etan, Jon Bergaretxeren kantaldia izanen da gorapean.