Hurrengo alean emanen dizuegu oraintxe aipatu ditugun Kultur Egunen berri zehatzagoa, baina, aurrerapen gisara, abenduaren 8an eginen den erakusketaren gaia aipatuko dizuegu, zuetako aunitz animatzea espero baitute egun horren antolaketa euren gain hartua duten Biltoki Elkartekoek: Etxe eta baserrietako produktuak eta tresna zaharrak. Lehen ere ikusi ahal izan dugu Igantzin gai horri buruzko erakusketa eta seguru gaude plaza aldera egun horretan agertzen dena ez dela penatuko.