Lehiaketa baten bidez aukeratuko da herrian barna (erreka bazterretan, Eztegara pasealekuan eta bertze tokietan) dauden baranden diseinu berria. Proposamenak azaroaren 17a baino lehenago aurkeztu beharko dira herriko Etxeko idazkaritzan, beti ere eguerdiko 13ak baino lehen. Udalbatzak dagoeneko onartu du nork osatuko duen epaimahaia, tartean arte eta diseinuan adituak, Udaleko ordezkariak, eta kulturako arduraduna egonen dira. Diseinurik egokiena aurkezten duenarentzat 200.000 ptako saria izanen da.
Kontuan hartu beharko da burni fundituan eginen dela baranda, eta antolatzaileek ahalik eta pisu guttien izatea baloratuko dute edertasunarekin batera.