Bortzirietako Euskara Mankomunidadeak ahozko tradizioa jasotzeko beka deialdiari erantzunez sei proiektu aurkeztu dira. Honako hauek dira egitasmo horien egileak: Maite Lakar eta Nora Iriarte; Nerea Mitxeltorena; Asier Gogortza, Jon Abril eta Xabier Erkizia; Itziar Ortubia; Marga Matxo; Patxi Larretxea, Juainas Paul eta Txema Aldabe.
Epaimahaia abenduaren 13an bilduko da Arantzako Herriko Etxean, arratsaldeko 5etan. Epaimahaian Patxi Salaberri, Iñaki Camino, Paxkual Rekalde eta Patxi Iñigo izanen dira, Jose Ramon Amoros epaimahaiburu izanen delarik.