Nafarroako Gobernutik igorritako txosten batean herriko ura edateko txarra zela ageri zela eta EHk egindako galderari erantzun zion azkeneko batzarrean alkateak. Bere erranetan, «funtzionarioak ordenadorea tekleatzerakoan izandako deskuido batek eman zuen emaitza hori. Gainera, euskaraz egindako itzulpenean ere bada bertze akats bat». Txostena osoa irakurrita, «egun bakar batean ere ez dela edateko ur txarrik izan ikusten da», zioen alkateak, «beraz ez da neurririk hartu behar». EHko zinegotziak galderarekin ez zuela inor mindu nahi eta ura ona izateaz pozten zela erran zuen, «baina txostenean txarra zela agertzen zenez, normala da gure kezka azaltzea».