Elizondoko Juan Lameriñas Cambronerok aurkeztutako «Argitzea 2» txuribeltzeko argazkiak irabazi du Beti Gazte elkarteak bederatzigarren aldiz antolatutako argazki lehiaketaren sari nagusia. Bigarren saria ere Baztanera joan da, Arizkungo Lander Goñi Irigoienek eskuratu baitu «Udazken kolore» kolorezko paisaiarekin. Kirol argazki onenari emandako saria lehiaketa honetako aspaldiko ezagun batek eskuratu du, Bergarako Benito Canterok, «Aguja roja» argazkiarekin.
Joan den urteko geldialdiak eragina izan du argazkilarien animoan, argazki guttixko aurkeztu baitira lehiaketara. Guzira, 21 argazkilariren 62 lan aurkeztu dira. Argazkiak Beti Gazteren egoitzan ikusteko aukera dago oraindik.