Ez dira geldirik egotekoak aurtengoan Herri Eskolakoak eta ikastaroak bata bertzearen ondotik antolatzen ari dira. Masaia eta mendiari eta naturari buruzko argazkigintza ikastaroak akautu berriak direnean, bertze bat antolatu dute Lesakako Udalaren laguntzaz. Oraingoan, adineko jendea etxean zaintzeko ikastaroa antolatu dute eta Amagoia Muruamendiaraz geriatria medikua izanen da irakasle. Bi orduko hiru saio eginen dituzte, abenduaren 12, 14 eta 19an, arratsaldeko 5etatik 7etara Tantirumairu ikastolan. Izena abenduaren 5a baino lehen eman behar da Izarra okindegian (948 637855 telefonoan), horretarako 1.500 pezeta ordainduz. Emanen diren gaiei buruzko informazio gehiago nahi izanez gero, okindegian bertan hartzen ahal dira esku-paperak.