Espainiako Auzitegi Goreneko Baltasar Garzon epaileak AEK elkartearen aurka egindako autoan deklaratzera deitu zuen Eduardo Konde azaroaren 30ean. Deklaratu ondotik, inolako kargurik eta fidantzarik gabe aske utzi zuten. Bertze inputatuek aste honetan eginen dituzte azken deklarazioak. «Orain, Garzonek agintzen duenaren esperoan nago –dio Eduardok– inork ez baitaki gizon hau nondik ateratzen ahal den». Hamabi urtez AEKn aritu zen Eduardo Konde. Berak erran digunez, «Garzonen argudioak funtsgabeak dira. Iruzur egitea leporatzen digu, irakaskuntzan ari direnek BEZarik ordaintzen ez dutenean eta 1996an Eusko Jaurlaritzarekin akordioa sinatu arte AEKk langilerik ez zuenean. Hortikan, gainera, ETAren kolaboratzaile ginela ondorioztatzen du. Sinestezina da!».