Bortzirietako Bertso Eskolaren hamargarren urteurreneko ekitaldien artean taldekako lehiaketa antolatu dute hirugarren urtez.
Aurtengoan bortz hirukote osatu dira. Kanporaketak urtarrila haseran eginen dira Lesaka eta Beran eta finala urtarrilaren 20an izanen da Lesakako Arrano elkartean.
Lehenbiziko kanporaketa urtarrilaren 5ean, ortzirala, eginen da Lesakako Berri ostatuan, arratsaldeko 7etatik aitzinera. Bertan izanen dira A taldea (Iñigo Olaetxea, Estitxu Fernandez eta Erika Lagoma) eta B taldea (Bittor Elizagoien, «Etxabe» eta Oskar Goñi).
Biharamonean, urtarrilak 6, ordu berean ariko dira Lesakako Kattu ostatuan C taldea (Manolo Arozena, Juan Mari Lopez eta Alaitz Rekondo) eta D taldea (Estitxu Arozena, Ekhine Etxepeteleku eta Julen Zelaieta).
Urtarrilaren 12an, ortziralarekin, Berako Gure Txokoa elkartean eginen da azken kanporaketa, arratsaldeko 7etatik aitzinera. E taldea (Xabier Silveira, Xabier Terreros eta Beñat Taberna), aintzineko bi kanporaketetan garaile izan direnen arteko puntuaziorik baxuena duen taldearen aurka ariko da. Saio honetako irabazleak eta lehen bi saioetan puntuaziorik altuena lortu duen taldeak finala jokatuko dute Arrano elkartean urtarrilaren 20an.
Berrikuntza gisa, kartzeleko gaian taldekide guziek kantatu beharko diote hitz bati, batek alde, bertzeak kontra eta bertzeak erdibideko bertsoa.