Larreen hobekuntza
Larreetan egin nahi den hobekuntza lanak lehiaketara ateratzea onartu zuen Herriko Etxeak urteko lehen udal batzarrean. Alkateak, Nafarroako Gobernutik bidalitako proiektua azaldu ondoren, zera erabaki zuen: larreak hobetzeko proiektua onartzea eta proietu hau hilabete batez jende aurrean jartzea. Aldi berean, gonbidapenak luzatu ditu Herriko Etxeak lan hau aitzinera eramateko proposamen ekonomikoak otsailaren 2a baino lehen aurkezteko.
Kanposantuaren haunditzea
Denbora dexente pasatu da Udalak kanposantua haunditzeko lanen berri eman zuenetik. Orain arte Nafarroako Gobernuko Toki Administrazio Departamenduaren esku izan da gaia eta hauek onartu esperoan egon da. Azkenean, ailegatu da baiezkoa. Abenduko udal batzarrean onartu zen 18.593.493 pezetako aurrekontua duen lana (panteoiak eta nitxoak barne). Nafarroako Gobernuak 5.247.000 pezetako dirulaguntza emanen du. Orain, Nafarroako Aldizkari Ofizialean argitaratu ondoren, 26 eguneko epea izanen dute enpresek proposamenak aurkezteko.