Haurrak dira, zalantzarik gabe, Eguberriak eta beren inguruan datozkigun ekitaldiak ilusio eta gogo gehienez hartzen dituztenak. Eskolara etortzen den Olentzerok, Eguberri egun bezperako eskeak, arratsaldeko kalejirak, eta zer erranik ez, egun horietan hartzen dituzten opariek bereziak bihurtzen dituzte haurrentzat Eguberriak. Goitiko argazkian Haur-Hezkuntza taldeko zenbait haur ageri da Olentzerorekin, abenduaren 24ko arratsaldean.