Iruñeko Maite Lakar eta Nora Iriartek jasoko dute Bortzirietako Euskara Mankomunidadeak ahozko tradizioa jasotzeko emanen duen beka. Guzira sei egitasmo azaldu ziren eta epaimahaiak hauek baloratzeaz gain, beraien defentsa eta kurrikulumak aztertu zituen beka emateko orduan. Iruñeko bi neskek puntuaziorik altuenak jaso zituzten egitasmoan, nahiz kurrikulumean. Bigarren postua Asier Gogortza, Jon Abril eta Xabier Erkiziak eskuratu zuten.
Epaimahaiburua Joxe Ramon Amoros, Arantzako alkatea izan zen eta idazkaria castillo Suarez euskara teknikaria. Patxi Salaberri, Paxkual Rekalde, Iñaki Camino eta Gotzone Leonisek osatu zuten epaimahaia.