Abenduaren 29an egindako bilkura berezian 2001. urtean Herrikoetxea, eskola eta medikuaren kontsultaren garbiketaz nor arduratuko den erabaki zuen Udalbatzak. Bi eskaintza zeuden, bata Virtudes Iguzkiagirrerena, eta bertzea Korpus Txoperenarena.
Bi eskaintzak berdinak izanik, baldintza pleguan zioenaren arabera, zozketa egin zuten, lanpostua Korpus Txoperenari egokitu zitzaiolarik. Aipatutako lanetaz gain, herri ingurua ere astero garbitu beharko du. Lanpostua autonomo gisara beteko da, 1.572.000 pezeta (BEZ barne) ordainduko zaizkiolarik, hilabetero 80.000 pezeta garbiak, gutti goiti behiti.