El Salvadorreko lurrikarak lesakarrak bereziki hunkitu ditu, izan ere bertan baitaude lanean azken urteotan Garbiñe eta Amaia Larralde ahizpak. Eguberriak herrian pasatu ondotik, Ertamerikara itzuli berriak ziren bi ahizpak. Beraiek ez dute minik hartu, baina orain buru-belarri lanean ari dira hondamendiaren erdian. Amaiak telebistan egindako agerpenean adierazi zuenez, «ura eta janaria ez ezik, dirua ere behar beharrezkoa da». Horretarako kontuak zabalik daude aurrezki kutxa guzietan.