Nafarroako Gobernuak Hirurteko Plangintzaren barrenean herrietan eginen dituen inbertsioak jakinarazi ditu. Zoritxarrez, ez da berri onik etorri, ez baita obra nagusiak egiteko –ur hornidura, bideak, aparkalekua...– Iruñetik sosik ere etorriko Igantzira. Honek inbertsiorik haundienak bertze legealdi baterako utzi beharko direla erran nahi du, eta gauza ttikiagoetara jokatu beharko dela. Ez gaitu horrek kontsolatuko, baina, inguruko herri gehienak ere egoera berdintsuan daudela erran behar da.