9.680.000 pezetako diru sarrera-irteerak izanen ditu aurten Beti Gazte elkarteak, otsailaren 23an onartutako aurrekontuaren arabera. 800 bazkidetik goiti duen elkarteko dozena bat bazkide bertzerik ez ziren agertu batzarrera, nahiz eta bilera ondotik luntxa eskaini. Egoitzan moldaketa lanak egin, leihoak aldatu eta kalefakzioa jartzeko asmoa azaldu zen. Joan den urtea, 1.274.817 pezetako superabitarekin akautu zuen.
Zuzendaritza batzordean ez da aldaketarik izan, baina Salvador Iantzi lehendakariak azkeneko urtea duela segurtatu zuen. Idazkari eta diruzain lanak betetzeko jendea behar dela ere aipatu zen