Munduko hainbat herrialdeetan bezala Beran ere somatuko da Emakumearen Eguneko oihartzuna, Uxua Emakume Taldekoek hainbat ekitaldi prestatu baitituzte Martxoaren 8aren inguruan. Egun horretatik hasi eta igandea bitarte emakume beratarrek egindako eskulanen erakusketa izanen da Kultur Etxean. Astetartean arratsaldeko 6etatik 8etara egonen da zabalik, eta asteburuetan goizeko 11etatik 1etara.
Bezperan, berriz, solasaldi bat emanen da arratsaldeko 7etan Kultur Etxean: “Adinean goiti, baina gozo”. Biharamonean, berriz, nahi duten emakume guziek elkarrekin afaltzeko modua izanen dute Zubiondo jatetxean. Afariak 2.500 pezeta balio du, eta puntatzeko 948 625 472 telefonora deitu behar da.
Emakumearen Eguneko ekitaldiekin akautzeko, antzerkia izanen da igandean arratsaldeko 7,30etan Kultur Etxean: “Ni ez naiz hori” obra antzeztuko dute.