Martxoaren 3an egin zen San Juan Xar Nekazari Kooperatibaren bilkura ere. Bi gai izan ziren aipagarrienak: Alde batetik, Kooperatibak bere bazkideei nekazal esplotazioen legalizazioa egiteko eman nahi dien aukera –denak batera eta kooperatibaren bitartez–, eta bertzetik, orain dela gutti arte kooperatiban bertan egiten zen botika salmentaren debekuari bilatzen ari zaion aterabidea, nekazariek bertatik ahalik eta guttien mugitzeko.