Bizpahiru urte dituzte futbolean entrenatzen Beti Gazteko neska gazteek, Juana Aleman eta Idoia Etxepareren aginduetara. Baina denbora honetan, Kontxako hondartzako txapelketan bakarrik jokatu dute eta herritarrek ez zuten, Donostiara joan ezean, jokoan ikusteko aukerarik. Martxoaren 10ean, ordea, Gipuzkoako Kopan hasiak dira, zelai handian eta hemendik aitzinera, Mastegin maiz xamar ikusteko aukera izanen da. Lehen partidu hori 0-7 galdu zuten Oiartzun talde handiaren kontra, baina jokalari guziak hagitz gazteak direla kontuan hartuz, pixkanaka jokuan hobetzen eta emaitza txukunagoak lortzen joanen dira, dudarik gabe. 1988-89 denboraldiaz geroztik ez zen Beti Gazteko nesken talderik futbol handian. Argazkia: Karmele