Eguraldiak sobera lagundu ez bazuen ere, Korrikaren inguruan antolatutako ekitaldi guziak burutu ziren, Korrikak beti dakarkigun zirrararekin. Larunbat arratsaldean –ordukoa da argazkia– Korrika-ttikiarekin gozatu zuten haurrek, eta igande goizeko seirak aldera, izugarrizko erauntsipean bete zituzten korrikalariek Igantziri zegozkion hiru kilometroak. Biltoki Elkartearen ordezkari gisara Pili Iturbide lehendakariak eraman zuen lekukoa, gero Eduardo Migelena alkateari eman zion txanda, eta azkenik, eskolako umeek eraman zuten lesakarren eskuetara pasatu arte.