Igerilekuaren udako kudeaketaren lehiaketan parte hartzeko aukera eman du Udalak hilabetearen azken eguneko eguerdira arte. Iazko baldintza beretsuak omen ditu pleguak eta Udalaren hasierako eskaintza ekonomikoa ere berdina da: 700.000 pezeta -BEZa barne- denboraldi osorako, ekainaren erditik irailaren erdira. Kexu agertu zen jendea iaz hartu zutenek emandako zerbitzuarekin.
Sarreraren salneurriak ere aldatu egin dira: Denboraldiko abonoa 4.500 pta. gostako zaie helduei, 11 urtetatik 18tara 3.000, 4tik 10tara 2.000 eta ttikiagoak dohainik. Eguneko sarrerak, berriz, honela gelditu dira, lehen aipatutako adinen arabera: 600, 400 eta 300 pta.