Joan den apirilaren 10ean, greba egunerako kartelak jartzen ari zirela Garbiñe Goia, Eneritz Mitxelena eta Ibai Gogortza gazteak atxilotu zituen Guardia Zibilak Altzaten, karteletan ageri ziren testuak iraingarriak zirela argudiatuz. Berako kuartelean denbora luzez eduki ondotik Iruñeako Guardia Zibilaren komandatziara eraman zituzten eta han deklarazioa hartu ondotik libre utzi zituzten arratsaldeko 6ak aldera. Ibai Gogortzak Berako kuartelean, Iruñearako bidean nahiz Iruñeako komandantzian tratu txarrak jaso izana salatu zuen, bertzeak bertze kolpeak, mehatxuak eta buruan pistola jarri ziotela adierazi zuen. Hiru gazteak epaiketara noiz deituko dituzten esperoan dira.
Bertzalde, Kotto Altzuguren eta Imanol Larrañaga gartzelaz aldatu dituztela jakinarazi dute Amnistiaren Aldeko Batzordeek. Altzuguren Navalcarnerora eraman dute eta Imanol, berriz, Aranjuezeko espetxera.