Zizurko Xabier Akerreta izan zen Irailaren 9ko XI. Mendi-bizikleta Ibilaldiaren irabazlea. Ordubete pasatuxea behar izan zuen ibilbideari bi itzuli emateko. Roberto Valcarlos iruñearra zen irabazteko hautagai nagusia, baina, hasieran bizikletarekin izandako arazoengatik, bigarren sailkatzearekin konformatu behar izan zuen. Daniel Beloki orkoiendarra izan zen hirugarrena. Herritarrei dagokionez, Xabi Telletxea eta Joxe Mª Goia izan genituen azkarrenak, zazpigarren eta zortzigarren postuetan. Bertze zenbait herritar ere izan ziren irabazle kategori ttikietan: Sonia Taberna, Ibai Retegi eta Iñigo Almandoz.