• Zer moduz ibili da jendea aurten piszinetan?
Piszinetan urteroko jendea ibili da, baina ilunabarretan aunitzez gehiago.
• Zer da ostatuan jateko gehien eskatu dizuetena?
Plater konbinatuak eskatu dizkigute gehien bat.
• Eta gainerakoan, piszinetan, zerk ematen dizue arazo gehien?
Sarreran zenbait arazo izan dugu, eta arauak betearaztekoan ere bai.
• Heldu den urtean errepikatzeko prest?
Bai noski, ostatuan hagitz ongi egin dugu lan bertako jendearekin eta hori eskertzekoa da.
• Nonbait aste pare bat pasatzera joateko asmoa bazenu, nora?
Mediterraneo aldera joanen nintzateke atseden hartzera, Saloura edo.
• Bestak ere gainean ditugu; zer ez zenuke inoiz programatik kenduko?
Betizuak urtero ekarriko nituzke.
• Eta zerbait gehitu behar bazenio?
Goizak gehixeago beteko nituzke.
• Bestak, gauez ala egunez?
Bietaz gozatzea gustatzen zait, baina haurrak ditugunok tenorez erretiratu behar izaten dugu.
• Eta otorduak, norberak prestatuak ala mahaitik mugitu gabe?
Aukeran bigarrena dudarik gabe, baina…
• Bestak alde batera utzita, zerbaiten falta sumatzen duzu herrian?
Garbitasun aldetik gehiago egiten ahal litzatekela uste dut.
• Udazkena omen da hemen urtarorik politena. Zer diozu?
Niri ere gehien gustatzen zaidana da. Ingurua zoragarria egoten da.