Azaroaren 1, 2 eta 3an izanen dira aurtengo Kultur Egunak. Baserritarren Eguna, bertze urte batez azaroaren lehenean eginen da. Herritarren eskulan, nekazarien produktu eta gainerako izanen dira herriko frontoian erakusgai eta ikusgai. Bertzelakoan, solasaldiak, kantaldiak eta haurrentzako tailerrak izanen dira Kultur Egunetako osagaiak. Herriko erakunde ezberdinetako ordezkariekin osatutako batzordea lanean ari da, eta aste honetan eginen duten bileran Kulturaldiko egitaraua zehaztuko dute. Beraz, hurrengo alean ekitaldi guziak jakinaraziko dizkizuegu.