Mendi bizikleta erabat utzi gabe ziklo-krosean proba egitea erabaki du aurten Juan Carlos Garro txirrindulari beratarrak. Eta apostuak emaitza ona eman dio, nonbait, dagoeneko bi garaipen eskuratuak baititu, bata Paben (Frantzia) eta bertzea azaroaren 11n Bizkaiako Gordexola herrian egindako estatu mailako proban. Gainera, proba akautzerakoan, Espainiako selekzionatzaileak Munduko Kopako probetan parte hartzeko deitu zuen Garro.
Azaroaren 18an, berriz, ziklo-krosean probarik ez zuela probextuz, mendi bizikletan aritu zen Garro. Lizarrako Irekiko proba entrenamendu gisara hartu zuen, baina garaipena aisa eskuratu zuen, Roberto Lezaun liderra gi