Urriaren 25ean Batasuna taldeak aurkeztutako euskal presoen sakabanaketaren kontrako mozioa gehiengoz onartu zuen Udalbatzak. Batasunako 4 zinegotziek aldeko botoa eman zuten, EAko Jose L. Igoa eta EAJ/PNVko Javier Iturria abstenitu egin ziren eta EAko Javier Leiza eta Jose R. Martinek aurkako botoa eman zuten. Azken hauek, dispertsio politikaren aurka egonik ere, mozioan gauza orokorrak falta zirela adierazi zuten beren ezezko botoa argudiatzeko.
Udalak, beraz, Europako parlamentuaren eta instantzia judizialen aurrean dispertsioaren salaketa egiteko konpromisoa hartzen du onartutako mozio honen bidez.