Nafarroako Gobernuak herrialdeko kultur etxeen artean banatuko dituen 11 milioi horietatik zati bat Berako Udalarentzat izanen da, Kultur Etxean obra batzuk egiteko. Zehazki 127.878,98 euro jasoko dira, 255.757,96 euroko aurrekontuaren %50a. Dirulaguntza aurten eta heldu den urtean hartuko da: 63.939,49 euro 2009an eta bertze 63.939,49 euro 2010ean.
Laguntza horrekin hainbat berrikuntza eginen dira Kultur Etxean, bertzeak bertze, harmailak berritu. Inklinazioan paratuko dira eta aulki berriak jarriko dira. Horrez gain, eszenatokiko tresneria ere berrituko da. Lanak urrian hastea espero du Udalak.