Berako Agerra auzoko bestak abuztuaren 28tik 30era ospatuko dira

Asteburu honetan, abuztuaren 28tik 30era ospatuko dira Beran Agerra auzoko bestak. Abuztuaren 28an, ortziral arratsaldeko 19:00etan gazteen frontenis txapelketaren finala jokatuko da. 20:00etan altxaferoa bota eta haur eta helduen danborrada abiatuko da, Izadi txarangaren laguntzarekin. 21:30ean auzo afaria eginen da. Larunbatean, abuztuaren 29an, goizeko 9:30ean, Berako 3x3 saskibaloi txapelketa jokatuko da bosgarren urtez. 12:30ean erraldoi eta buruhandiak ibiliko dira Irats trikitilari taldearen laguntzarekin. Ondotik, frontenis txapelketa nagusiaren finala jokatuko da. XXVIII. Luis Mari Apeztegia Herri Krosa Arratsaldez, 15:00etan haur jokoak izanen dira. 18:00etan Manttale taldearen laguntzaz antolatutako Kross Herrikoia jokatuko da, Luis Mari Apeztegia zenaren omenez hogeita zortzigarren urtez egiten dena. 20:30ean Gure Txokoa dantza taldearen saioa izanen da eta gauerditik aitzinera dantzaldia Jalisko Band taldearekin. Abuztuaren 30ean, igande eguerdian meza izanen da. Ondotik, erraldoi eta buruhandiak aterako dira txistulariekin. 14:30ean herri bazkaria eginen da. 18:00etan Korri eta Xalto pailazoek emanaldia eskainiko dute eta ondotik txokolatada izanen da. Ilunabarrean, dantzaldia izanen da Jalisko Band taldearekin, bestak bukatzeko.