Lesakako kiroldegian Bazkidearen Eguna ospatu zuten joan den ortziralean, abuztuaren 21ean. Goizean, orientazio proba antolatu zuten eta kiroldegitik maparekin eta argibideekin abiatuta, Fraingo magalean barna ibili ziren partehartzaileak, gordetako txokoen bila, berriz ere kiroldegira itzultzeko. Segidan, ttikienentzako jokuak hasi ziren: igeriketa txapelketa, aulki-jokoa, zapiaren jokoa, arraultze-kutxara karrera, sagar-jokoa…
Bazkalondoan taichi eta zinema
Eguerdian paella-jatea izan zen eta bazkalondoan, tai-chi erakustaldia izan zen igerilekuko belagian. Ttikienek, zinema ere izan zuten ikusgai, egunari behar bezalako akabaila emateko.