Joan den larunbatean, uztailak 25, hasiera emanen zitzaion Nafarroako Herriz Herri Txapelketari. Larunbateko jardunaldia lehena izan zen eta Berako Altzate Plazan jokatu zen.
Aurtengo Herriz Herri Txapelketan Berriozar, Igantzi, Gure Txokoa, eta Basaburua taldeak bi konbinadetan lehiatzen dira: lehenengo konbinadan (koxkor biltzea, zaku lasterketa, aizkora, korrika eta arpana) eta bigarren konbinadan (lasto botatzea, txinga-erute eta ingude altxatzea).
Aipatzekoa da lasto botatzea proba berria dela eta harrijasotze proba ordezkatzen duela.
Lehen konbinatuan Basaburua
Lehen jardunaldiko emaitzei dagokienez, lehen konbinatuak Basabura nagusitu zen, 18 minutu eta 42 segunduko denborarekin; Gure Txokoa bigarren izan zen, 19 minutu eta 24 segunduko denborarekin; Berriozar hirugarren 20 minutu eta 13 segunduko denborarekin eta Igantzi laugarren, 20 minutu eta 33 segundurekin.
Bigarrenean Igantzi
Bigarren konbinadan edo hiru kirol proban aldiz, Igantzi gailendu zen. Ingudean eta txingetan Igantziko kirolariak gailendu ziren eta lasto botatzen bigarren izan zen. Gure Txokoakoak ere bikain ibili ziren eta lasto botatzeko proba irabazteaz gain, bigarren izan ziren ingudean eta txingetan. Basaburua hirugarren izan zen ingudean eta lasto botatzen eta laugarren txingetan eta Berriozarkoak hirugarren izan ziren txingetan eta laugarren ingudean eta lasto botatzen.
Sailkapenak
Lehen konbinatua
1.- Basaburua 18’42’’
2.- Gure Txokoa 19’24’’
3.- Berriozar 20’13’’
4.- Igantzi 20’33’’
Bigarren konbinatua (hiru kirol)
1.- Igantzi: 4 puntu
2.- Gure Txokoa: 3 puntu
3.- Basaburua: 2 puntu
4.- Berriozar: Puntu 1