Nafarroako Herriz Herriko konbinatu txapelketari Beran emanen zaio hasiera, larunbat honetan, hilak 25, Altzateko Plazan, 18:30ean hasita. Lau taldek hartuko dute parte, tartean, Gure Txokoak. Bertzeak Igantzi, Basaburua eta Berriozar dira. Larunbateko saioaren ondotik, bertze bi jardunaldi eta finala jokatuko dira. Azken hau Berriozarren, abuztuaren 29an. Lehen proba konbinatuan koxkor biltzen, zakuarekin, aizkoran, lasterka eta arpanean ariko dira eta bigarrenean, lasto botatzen, txinga eramaten eta ingudea altxatzen.