Lesakatik Igantzirako errepidearen moldatze lanak direla eta hilabete batez bidea itxia egonen dela jakinarazi du Lesakako Udalak, Koldo Erkizia alkateak sinatutako bando baten bidez. Astegunez itxita egonen da lanak egiteko eta asteburuetan zabalik egonen da errepidea.
N-121A errepidea eta Doneztebeko errotonda
Bertze aldetik, N-121A errepideko lanen ondorioz, ohiko mozketak eta bide emateak izanen dira Bera-Endarlatsa, Igantzi eta Bera-Etxalar zatietan. Donezteben, eskola inguruko errotondaren lanak direla eta inguru horretan kontuz ibiltzea aholkatu du Nafarroako Gobernuko Herrilan Zuzendaritza Nagusiak.